Irakurriko degu pixkabat?

Galdera hau normalean gurasoak egiten dio semeari-alabari, baina proposamen hau egiteko denbora pixkat hartzen badezue, egunero ez bada, astean bi-hiru aldiz, eurak izango dira galdera egiten dizutenak zuri.

Aukeratu etxean toki isil bat, telebistarik-irratirik-musikarik gabekoa. Aukeratu butaka, siloi bat, sofa eroso bat. Eseri bertan, eta ipini umea zure magalean.

Irakur dezala berak ipuia, berak aukeratutako ipui bat, eta berak irakurri ahala, zu zuzentzen jun, ahal dan goxoen eta lasaien.

Urduritu egin zaitezke, asko trabatzen dira.

Urrezko araua: pazientziarik ez galtzea. Patxadarik haundiena.

Eta irakurketa gozatzeko ezinbesteko diren arauak eman umeari:

- Errespeta ditzala puntuak eta komak. Irakur dezala lasai.
- Har dezala harnasa koma eta puntu bakoitzean.
- Irakur dezala testuari ahalik eta entonazio teatralena emanez. Kosta egiten zaie, ez dute erabat lortuko, baina bai lagunduko die testuari zentzua ematen.
- Esan umeari IKUS dezala irakurtzen ari dana. Gu helduoi baino askoz errezago zaie irakurtzen ari direna imajinatzea.
- Utzi irakurtzeari umea aspertu baino lehen. Ordulaurden ingururekin nahikoa izan leike.

Oso ondo pasatzen dute, goxotasuna izugarri estimatzen dute, eta eskean dituzu zerbait irakurtzeko egunero.
_