<meta name='google-adsense-platform-account' content='ca-host-pub-1556223355139109'/> <meta name='google-adsense-platform-domain' content='blogspot.com'/> <!-- --><style type="text/css">@import url(https://www.blogger.com/static/v1/v-css/navbar/3334278262-classic.css); div.b-mobile {display:none;} </style> </head> <body id="body" onload="replaceText();"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d10641151\x26blogName\x3dHarrapatu!\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttps://harrapatu.blogspot.com/search\x26blogLocale\x3dit\x26v\x3d2\x26homepageUrl\x3dhttp://harrapatu.blogspot.com/\x26vt\x3d6515826474618318870', where: document.getElementById("navbar-iframe-container"), id: "navbar-iframe" }); } }); </script>

sabato, ottobre 08, 2005

Hiru hitzeko ipuiak

Erositako ipuiek arazo bat dute. Ez direla batek asmatutakoak.

Umeak ez dira oraindik oso kritikari kultural zorrotzak, beren ibilbide artistiko mugatuarengatik, eta horrek ondo geratzeko aukera ematen dizu, edozein “narraxkeri” asmatuta ere.

Zuk boteprontoan asmatutako ipui erren kili-kolo hoiek, badute abantaila izugarri bat, erositakoen aurrean. Umeak protagonista bihurtzen dituzula.

Umeari kamioiak gustatzen zaizkiola? Ipini kamioi bat bere bizitzan. Izurdeak? Ipini dozena erdi bat. Kotxe-kapotak? Jarriozu polit polit bat, arrosa, lazoduna.

Eskaiezu umeari, hiru hitz esateko, eta asma ezazu burutik pasatzen zaizun lehenbiziko istorioa. Istorio absurdoa, ez hanka ez buru duena, berdin da!

Edozein gauzarekin konformatzen dira.

Neri benetako harribitxiak atera izan zaizkit. Parrez lehertzeko modukoak, bitxiak, sentimentalak, misteriodunak… Danetarikoak. Gordetzeko modukoak.

Eta baita izugarri aldrebesak ere. Berdin da! Berdin estimatzen dituzte batzuk zein besteak.

Beraiek aukeratutako hiru hitzekin ipui bat asmatzea, JOLASA baita.

Probatu zazu. Ez zera damutuko. Izugarrizko bizioa hartzen dute.

_

Telegrama moduan bada ere, horra, adibidetxo bat:

Garabia. Helatua. Teilatua.

Azkeneko pisuan oso familia berezia bizi omen zan: denak gizen gizenak omen ziren, izugarri gizenak / Egun hartan bero izugarria egiten zuen. / Matxura bat dala eta, urik gabe geratu ziren / Egarri ziren / Joxe! Zoaz ura erostera! Bai ama. Baina ai! Ez zala atetik kabitzen!

Kasualitatea. Etxe horretako teilatua berritzen ari ziren. Manolo, kamioiaren garabia gidatzen ari zan bere mandoaz. Izugarri despistatua zan. Bokadiloa jaten ari zan. / Deskuidatu zan… Eta nahi gabe, handik pasatzen ari zan helatuz betetako kamioia engantxatu zuen. / Teilaturaino igo zuen, bokadiloa jaten ari zan bitartean… eta teilatuaren gainean ipini zuen.

Krask, zeharkatu zuen kamioiak teilatua. Familiaren etxera sartuz. Ai ze sustoa! Krask, beste zarata bat: kamioiaren atea iriki zan, eta helatu mordoa erori zan familia gizenaren egongelara.

Arratsalde guztia, helatuak jaten pasa zuten.

Eta hala bazan ez bazan, sar dadila… Patxitraperoren poltsikoan!

_

2 Comments:

At 10/10/2005 9:10 AM, Anonymous Anonimo said...

ezagutzen al duk Gianni Rodari-ren Gramática de la fantasía liburua? liburu ederra eta antzeko teknikez beterik zagok

 
At 10/10/2005 9:51 AM, Blogger Patxi said...

Eskerrikasko, Satortzulo!

Ez nuen ezagutzen. Erosi egingo det, eta hangoak gustatu ezkero, baita probatu eta hemen ipini ere.

 

Posta un commento

<< Home