Gezurtiak, maltzurrak izan

Umeen ezaugarri nagusia, inozentzia da. Dana sinisten dute. Baita neska-mutiko bizkorrenek ere.

Horrek, izugarrizko bentaja ematen digu helduoi, eta gure maltzurkeria, jolaserako aukera aparta bihur daiteke.

Haiek primeran pasatzen dute (eta maltzurrok oraindik hobeto).

Adibidetxo batzuk ondo ala? Azken egunotako batzuk, urrutira jun gabe .


Errietan

Aurrekoan Azpeitian, bi ume zebiltzan kalean baloiarekin jolasten. Bati baloiak aldegin, eta ia ia jo zion buruan emakume bati. Emakumeak, sustoa hartu arren, ez zien errietarik egin...

Baina hantxe tokatu behar Patxi:

- Aizue, baina baina... Zer zabiltzate!!?? ( serio serio...)

Justu segidan, iriparrea poltsikotik atera eta, erdiparre-erdiserio...

... Umeak ematen dezue!

Alkarri begiratu bi neskatxak, parrea kolpez kanpora ateratzeaz batera eta...

- Umeak gera ta! Hara bestea!

Eta hantxe utzi nituen parrezka. Nerekin batera noski.


Txirrista ilargiraino


Tren museoa ikusi ondoren, hantxe trenez Lasaoraino. Eta parean bi umetxo.

- Badakizue noraino dijoan tren hau ezta? (misterioz)
- Noraino?
- Ba bukaeran, hartzen du zzzzziiiiiiiuuuuuuuuu sekulako sekulako abiada... eta txirrista haundi haundi batean gora gora gora gora goraaaaa.... ilargiraino!

Umeak mutu.

- Benetan e? – Nik.
- Bai ama? Eskubikoak. Zeharo sinistuta, ahozabalik ezkerrekoa.



Egia esan eta gero ere, egia ala gezurra zein zan sinistu ezinda. Helduon aurpegiak ikusi eta parretxoa atera arte.



Asto australiarra

Bi neskatxa gaur Zumarragan. Laura eta Maitane.

- Ikusi al dituzue?
- Zein? – eurak-
- Lapurrak! – nik –
- Ze lapur? – eurak –
- Berrogeitamar lapur. Hemendik pasa al dira?
- Lapurrak? Ez ez, guk ez ditugu ikusi...
- Ba ikusteko modukoak dira. Asto baten gainean dijoaz...
- Bai zera!
- Baietz baietz!
- Nola jungo dira ba, asto baten gainean!
- Asto Australiarra da ordea! Ba al dakizue nolakoak diren Australiako astoak?
- (berari jakintsu izaten inor irabazten ez dion Laurak:) A! Ya, haundi haundiak!
- Bai ba. Ez dituzue ikusi orduan?
- Ez, oraindik ez...

Gauza bat emango dizut.

Maikel. Bederatzi urte. Ipurterrea. Gaixtoa. Maltzurra. Beneno hutsa...

Hartu dio Maider izeneko 6 urteko neskatxari patinetea, eta han dijoa korrika patinetea besazpian duela...

- Nerea da!!! Maikel!! Emaidazu! Emaidazu!! – Maiderrek -

- Ei Maikel! – nik – Utziozu Maiderri patinetea!

- Bai zera!

- Bai bai. Utziozu eta gauza bat emango dizut!

- Bah!

- Benetan! Gauza bat emango dizut (serio serio)

Pentsatzeko hamar segundu hartu... Eta jakinminak irabazi Maikel maltzurrari partida.

- Bale. Hartu Maider. Benga Patxi, zer eman behar didazu?

Maider aldapan behera patinetean dijoala...

- Benga! Eman! Zer eman behar didazu?

- (karamelu begiradaz...) Muxu bat!.

Hantxe korrika batean Maikel gizontxoa, muxu hitza xaxatzen atzetik duela...

Parrezka...

Nerekin batera.

_